REDACCIÓN | QUIROGA
Tras unha semana coa vista posta no ceo, finalmente o concerto de estrea da formación Mario Colomán & The Clocks Band e mais o do solista Peitoescuro trasladaranse ao auditorio municipal de Quiroga.
Nun primeiro momento estaba previsto que tivese lugar na praza da Rúa Lago, mais a previsión de chuvia para a noite deste venres levou ao Concello a trasladalo ao auditorio, un recinto con moita capacidade e que garante a comodidade dos moitos asistentes que se esperan.
Estas actuacións musicais da xornada previa á Feira do Viño comezarán ás 22:00 horas deste venres. Primeiro, co solista local Peitoescuro e, despois, coa estrea de Mario Colomán & The Clocks Band, un grupo formado por Lena, Brais, Santi, Diego e Alberto do que tes máis información aquí.
Consulta aquí o programa completo da Feira do Viño de Quiroga
Mario Colomán & The Clocks Band, un grupo disposto a ‘asaltar’ calquera escenario
A banda prepara a súa estrea o vindeiro venres, 29 de marzo, dentro do programa da Feira do Viño da vila.
Diario de Quiroga 