REDACCIÓN | QUIROGA
O Faladoiro de marzo do centro social de Quiroga poñerá o foco nos medios de comunicación locais e na credibilidade actual do xornalismo. A actividade está prevista para este mércores, 27 de marzo, ás 18:00 horas na biblioteca deste edificio.
O departamento de Servizo Sociais de Quiroga, que dirixe Xosé Manuel Fernández, convidou para este coloquio a Carlos Julio González, creador do blog Diario de Quiroga, que dende 2018 informa do que acontece na comarca.