REDACCIÓN | QUIROGA
A nova edición do Faladoiro do centro social de Quiroga estará centrada no rexistro administrativo do Catastro, abordando os problemas máis comúns e as dúbidas que xorden arredor del entre a veciñanza, así como dando pinceladas básicas sobre o seu funcionamento.
O convidado para esta actividade será Antonio Mejía, que foi alcalde de Quiroga do ano 1983 ao 1987, representando ao PSdeG-PSOE, e tamén exerceu profesionalmente como xestor administrativo autónomo en Quiroga durante anos.
A actividade terá lugar este mércores pola tarde, ás 18:00 horas, nas dependencias do centro social de Quiroga.