REDACCIÓN | QUIROGA
O Espanyol logrou tres puntos vitais na Romareda ante o Zaragoza (0-1) na estrea do courelao Manolo González como adestrador do primeiro equipo. A ilusión do técnico de Folgoso reflectiuse pronto no equipo, que saíu cunha actitude moi positiva, con ganas de buscar a portería rival e disposto a levar o triunfo.
Manolo González sinalou que “era un partido de gañar ou gañar. Había que chegar aquí e buscar ese punto de sorte. Aínda que tampouco é sorte porque o buscamos. Se ti non estás metido no partido, hai accións que non as sacas. Os xogadores están concienciados en sacar isto adiante. Temos que ter esa calma que tivemos co filial, que ao principio custaba e agora, menos. Tendo dous resultados bos, eles engancharanse xunto á afección que, por certo, estivo espectacular”.
Manolo González dixo na previa que levaba toda a súa vida adestrando para este tipo de partidos. Ao final, o esforzo de todos foi recompensado coa primeira vitoria do courelao como técnico do Espanyol. Un triunfo de equipo e de afección.
Diario de Quiroga 