REDACCIÓN | QUIROGA
Comeza a semana coa neve aínda presente nas zonas altas do Xeoparque Montañas do Courel. En núcleos como Meiraos (nesta imaxe) amenceron cos tellados tinguidos de branco.
Durante a fin de semana rexistráronse algunhas complicacións nas estradas e a proba deportiva Quiroga Trail Challenge tivo que acurtar dúas carreiras debido a que a cantidade de neve caída non permitía aos participantes transitar polo percorrido inicialmente previsto.
A Deputación de Lugo informou a pasado venres de que estaba a traballar nas máis de 70 estradas provinciais afectadas polas nevaradas desde esa madrugada ao seu paso por 11 concellos da Montaña lucense. A institución mantivo despregados 48 operarios e 32 máquinas e vehículos para paliar os efectos das inclemencias meteorolóxicas na rede viaria provincial.
Quiroga e Folgoso do Courel figuraban entre os municipios más afectados polo paso da borrasca Louis. Ademais das nevaradas, o río Quiroga á altura do paseo fluvial ou o Sil en San Clodio rebordaron ao xuntarse a auga das precipitacións coa do desxeo.
FOTO: JESÚS PARADA JATO
Diario de Quiroga 