REDACCIÓN | QUIROGA
A formación Dani Barreiro & Friends chega a Quiroga este sábado 26 de marzo para darlle a benvida á primavera cun concerto.
Nesta ocasión, chega acompañado de Manu Bastón (batería e guitarra eléctrica e acústica), para dalo tdo a partir das 23:30 h. deste sábado.
O repertorio de Dani Barreiro está formado pola música de artistas e bandas como Andrés Dobarro, Juan Pardo, Loquillo, Calamaro, Joaquin Sabina, Rosendo ou Los Secretos.
Tampouco faltan clásicos internacionais de diferentes artistas como Johnny Cash, Neil Young, Neil Diamond, REM, Depeche Mode, Rolling Stones ou The Beatles.
Este músico xa estivo nalgunha ocasión anterior, antes da pandemia, por estas terras deixando un bo sabor de boca. Tanto é así que os clientes do Ruxe-Ruxe, lugar da actuación, pediron á xerencia do local que o trouxesen en canto fose posible.
Dani Barreiro realiza arredor dun cento concertos ao ano en bares, pubs e eventos, ao que hai que sumar a súa participación en festivais como o Festival da Luz.
Diario de Quiroga 