REDACCIÓN | RIBAS DE SIL
Unha axuda da Consellería de Medio Ambiente, Territorio e Vivenda servirá para habilitar un punto limpo móbil no municipio Ribas de Sil. Pode tratarse de remolques e contedores metálicos, camión con caixa e chasis, furgoneta adaptada e modelos similares, e deberán ter diferentes compartimentos para a recollida de residuos como aceites vexetais usados, téxtiles, restos voluminosos ou medicamentos, entre outros.
Medio Ambiente destina 457.000 euros a mellorar a xestión de residuos en 19 municipios lucenses, mediante achegas con distintas finalidades. Para habilitar os puntos limpos móbiles, en Ribas de Sil e noutros tres concellos, a partida é de preto de cento setenta mil euros.