O concello de Quiroga, con 229 hectáreas, é o municipio con máis superficie de viñedos de todos os que están amparados pola denominación de orixe Ribeira Sacra.
Na segunda posición deste ranking atópase o concello de Pantón, que ten 185 ha. Sober ten 174 e ocupa o terceiro posto. Na cara oposta están Paradela, Nogueira de Ramuín e Monforte de Lemos. Teñen 0,39, 1,77 e 6,64 hectáreas de viñedo, respectivamente.
Vendima
A vendima segue desenvolvéndose sen incidencias na Ribeira Sacra e a uva que está a entrar en adega está nun estado sanitario óptimo. Van recollidos preto de 7 millóns de quilos.
A data 4 de outubro, das 96 adegas que vendiman esta campaña ao amparo da D.O. Ribeira Sacra, 28 están a realizar labores de vendima, 11 téñena paralizada e 56 xa remataron. Polo tanto 1 adega aínda non iniciou os traballos de recollida.
A esta data os datos oficiais de recollida de uva son:
Variedades tintas:
- Mencía: 5.490.773 k
- Brancellao: 24.886 k
- Merenzao: 61.304 k
- Caiño: 30.920 k
- Grao Negro: 1.473 k
- Garnacha: 329.076 k
- Mouratón: 8.943 k
- Sousón: 86.043 k
- Tempranillo: 54.210 k
Variedades brancas:
- Albariño: 69.692 k
- Branco lexítimo 3.420 k
- Dona Branca: 4.533 k
- Godello: 396.417 k
- Loureira: 2.121 k
- Torrontés: 3.675 k
- Treixadura: 35.103 k
Diario de Quiroga 